Доктор Веб

«Доктор Веб» — Ресейлік Dr.Web брендісімен ақпаратты қорғауға арналған антивирус бағдарламалық өнімдерінің өндірушісі. Dr.Web өнімдері 1992 жылдан бері әзірленіп келеді. Компания Ресей нарығында бизнестің негізгі қажеттілігін қамтамасыз ететін бағдарламалық құралдар — ақпараттық қауіпсіздік саласында негізгі ойыншылардың бірі болып табылады. «Доктор Веб» — әлемде зиянды бағдарламаларды анықтау және емдеуге арналған өздерінің бірегей технологияларына ие бірнеше антивирус жеткізушілерінің бірі.
Dr.Web антивирус қорғауы клиенттердің ақпараттық жүйелеріне кез келген, тіпті белгісіз қауіптерге тиімді қарсы тұруға мүмкіндік береді. «Доктор Веб» Ресей нарығында антивирусты қызмет ретінде пайдалану бойынша инновациялық модель ұсынған алғашқы компания болып, бүгінге дейін IT-қызмет жеткізушілеріне арналған интернет-қызметтер қауіпсіздігі саласындағы Ресей нарығының айқын көшбасшысы болып қала береді. Мемлекеттік сертификаттар мен марапаттар, сондай-ақ Dr.Web пайдаланушыларының географиясы талантты ресейлік программистер жасаған өнімдердің жоғары сапасын куәландырады.
Компанияның стратегиялық мақсаты, барлық қызметкерлердің күш-жігері бағытталған, заманауи талаптарға сәйкес келетін ең үздік антивирус қорғау құралдарын жасау, сондай-ақ пайдаланушыларға кез келген компьютерлік қауіп-қатерлерге толықтай дайын болуға мүмкіндік беретін жаңа технологиялық шешімдерді әзірлеу болып табылады.