Microsoft компаниясы — ақпараттық технологиялар саласындағы әлемдік көшбасшы, кең ауқымды құрылғылар мен қызметтерді, бағдарламалық қамтамасыз етуді және IT-қызметтерді ұсынушы. Бұл әлемдегі ең ірі корпорациялардың бірі болып табылады және 190-нан астам елде жұмыс істейді. Millward Brown агенттігінің жыл сайынғы зерттеуіне сәйкес, 2013 жылғы нәтижелер бойынша Microsoft әлемдегі ең қымбат он брендтің қатарына кіреді.
Microsoft өнімдері мен қызметтері портфелі жұмыс үстелі және желілік операциялық жүйелерді, құрылғыларды (Xbox 360, Xbox One, Kinect, Surface және т.б.), серверлік қосымшаларды, жұмыс үстелі бизнес-қосымшаларын және соңғы пайдаланушыларға арналған офис-қосымшаларды, бұлтты шешімдерді, интерактивті бағдарламаларды, сервистер мен ойындарды, Интернетте жұмыс істеу құралдарын, әзірлеу құралдарын және тағы басқаларды қамтиды. Бұлттық технологиялар мен мобильділік Microsoft үшін корпорацияның жаңа бас директоры Сатья Наделла жариялаған стратегияға сәйкес басты басымдыққа айналуда.
Microsoft клиенттер мен серіктестерге жеке, қоғамдық немесе гибридті бұлтты құру және пайдалану үшін ең толық және бірегей «бұлтты» мүмкіндіктер спектрін ұсынады. Еуропалық Одақтың деректерді қорғау органдары Microsoft корпорациясының бұлт қызметтерін көрсетуге арналған келісімшарттары дербес деректерді қорғауға қатысты ЕО заңнамасының жоғары стандарттарына сәйкес келетінін растаған. Microsoft бұл мақұлдауға ие болған алғашқы және қазіргі уақытта жалғыз компания болып табылады. Microsoft портфеліне Office 365, Microsoft Azure, Dynamics CRM Online, Intune, OneDrive сияқты көптеген бұлт қызметтері кіреді.
